Jat jơnau sồr, jơh gùt càr Dăk Lăk geh 2 brô 573 nơm ơhò lơh ka cih mat dan lơh broă; 100% ơhò lơh ka geh top ƀang kì jat jơnau sồr. Khà lơh sră ai gơnoar kup ka geh rlau 94%; is ồn ơhò bơh 15 thơk rlau hơđang geh rlau 98%. Khà geh sră cơng tàng kơnhăp niam măi mok geh rlau 95%, kloh niam phan sa mờr 98% mờ 100% ơhò hơđang 15 thơk neh crăp camera jat sền gùng lòt. Mpồl lơh broă geh gơnoar neh cih mat ơhò ờ geh tơl ală bơta nàng lơh broă, rơndap anih ơm tơrgùm bal, lir sră kơryan jơh phan kup ka mờ jàu gơnoar atbồ ƀòn lơgar in jat sền anih ơm 100%; kràñ cê ờ lời ơhò lik bơh anih ơhò ơm tŭ ờ hềt lơh sir sră pơ àr, mờ kung sơlơ pơgồp bal mờ mpồl ling sền gàr tiah nhàr lơgar, mpồl sền gàr cau lơh ka, kwang àng tàm broă gròi sền gùng lòt.

Ƀí thư Tỉñ ủy càr Dăk Lăk ồng Lương Nguyễn Minh Triết sồr sơlơ tơnguh tai cau lơh broă ai mpồl lơh broă phan tàm dà in, lơh pa măi mok jat sền mpồl ơhò mờ lơh pràn broă dờp jơnau đơs bơh cau lơh ka nàng tam gơl broă lơh atbồ dipal, geh cồng nha.