Tàm pơrjum, ală cau ala mat geh yal ală tơngume tờm bè atbồ dà lơgar tàm broă lơh yal jơnau tơnggit lơh broă mờ lơgar ndai, yal tơnggit jơnau gơtha bơh ală broă lơh bơtàu tơnguh lơh sa mpồl bơtiàn tiah nhàr lơgar dê; Adat sền gàr tiah nhàr lơgar Việt Nam mờ ală sră nggal jơnau cih adat boh lam bè gơnoar tờm, kơnhoàl ù tiah dà lơgar.

Ồng Nguyễn Quốc Hiệp, Phó Kwang lam bồ Sờh Niam chài, Tàp pràn să jan mờ Lòt nhơl càr Dăk Lăk pà git, pơrjum là dơ̆ bơto pơlam sơn rờp tàm ală broă lơh geh lam lơh tàm 4 sàh tiah nhàr lơgar geh Ia Lốp, Ia Rvê, Ea Bung mờ Buôn Đôn nàng kờñ tơnguh cồng nha broă lơh yal jơnau tơnggit lơhbroă mờ lơgar ndai, bơt bơtàu rài sền gàr tiah nhàr lơgar jơh gùt làng bol kơ̆ kơnhăp, pràn kơldang, lơh gơlik bơnàng jă ai bơtàu tơnguh lơh sa mpồl bơtiàn dê in mờ lơh kơ̆ mpồl tam klac dờng jơi bơtiàn tàm tiah nhàr lơgar càr Dăk Lăk.