Càr Gia Lai kờp dŭ ai rlau 11 rbô tơmàn đong nàng ai ù lơh rơndap broă mờ dong kờl rơndap ƀòn ơm kis pa ai làng bol in tŭ lam lơh 2 rơndap broă lơh gùng lòt kuơmàng lòt gan càr. Bàr rơndap broă lơh geh gùng rơndeh lòt mhar Quy Nhơn – Pleiku mờ gùng rơndeh ồs lòt mhar tiah đah tô – tiah đah jum dà lơgar gơl lòt gan càr Gia Lai. Tàm hơ̆, rơndap broă lơh gùng rơndeh lòt mhar Quy Nhơn – Pleiku jòng 125 kơi sồ, kờp jơh priă bơcri lơh rlau 43 rbô tơmàn đong, kờp jơh priă tơm wơl ai ù lơh rơndap broă mờ rơndap lơh ƀòn ơm kis pa mờr 4 rbô 700 tơmàn đong. Tus tŭ do, broă rơcang phan lơh, đo was, kờp sền neh lơh sir. Càr gam kơp Cíñ phủ ring bal Jơnau lơh nền tàm pơrjum nàng sơn đờm lam lơh.

Gơ wèt mờ gùng rơndeh ồs lòt mhar gơl lòt gan càr Gia Lai jòng 115 kơi sồ. Priă tă tơm wơl ai ù lơh rơndap broă mờr 6 rbô 400 tơmàn đong. Càr neh rơndap ù tiah 38 tiah ơm kis pa, drơng mờr 1 rbô 600 hìu bơnhă làng bol gơtìp gơ rềng in. Tŭ do, 37 tiah neh geh kĭ ring bal rơndap ù tiah mùl màl. Bàr gơl gùng geh lơh rơp lơh gơlik uă ù tiah bơtàu tơnguh pa ai càr Gia Lai in.