Anih duh broă Làng bol càr Gia Lai pa geh jơnau lơh nền tàm pơrjum ai geh jơnau tàm pơrlòng tăc ù ơnàng rơlao 3 lồ nàng lơh Tiah lơh hìu ơm bal kă bro mờ broă lơh drơng ala lòt nhơl Quy Nhơn. Bă ù do neh geh tŭ là tiah lơh Hìu bơsram Cao đẳng Kỹ thuật Công nghệ Quy Nhơn, tŭ do gơwèt sơnah ƀòn Quy Nhơn Nam, càr Gia Lai.

Do geh sền là dùl tàm ală bă ù kas priă ngan tàm tiah do, hơ pơrgơn geh hòi jà uă cau bơcri priă dờng. Rơndăp broă lơh bă ù lơh hìu ơm bal kă bro mờ broă lơh drơng ala lòt nhơl Quy Nhơn geh kờp jơh priă bơcri lơh rơlao 11 rơbô 600 tơmàn đong. Broă tàm pơrlòng tăc bă ù do kơ̆p kờñ rơ̆p lơh geh dùl bơta pràn dờng ngan tàm drà kă bro ù tiah hìu ơm mờ lòt nhơl càr Gia Lai dê, mờ pơgồp bal tàm broă geh priă tă tàm kes priă càr in.