Tơnơ̆ mờ rơlao 2 nhai lơh broă gơnoar atbồ ƀòn lơgar 2 kấp, broă dờp, bơsong sră nggal tàm ală sàh, sơnah ƀòn tàm càr Gia lai geh cồng nha niam. Mìng is gơwèt mờ ờ uă sàh, sơnah ƀòn tiah tờm, Anih duh broă Làng bol càr Gia Lai sồr mhar geh Anih tờm drơng broă sră pơ-àr gơnoar atbồ dà lơgar is nàng lơh broă geh cồng nha.

Jăt Anih duh broă Làng bol càr Gia Lai yal, ală Anih lơh broă Sră pơ-àr gơnoar atbồ dà lơgar kấp sàh càr dê gam lơh broă geh cồng nha, mờ khà bơsong sră nggal di tơngai geh rơlao 95%. Ồng Lâm Hải Giang, Phó Củ tịc Anih duh broă Làng bol càr Gia Lai pà git, sră nggal, sră pơ-àr ù tiah gam gơlời uă rơlao mờ ală gah broă ndai, ờ hềt di pal mờ jơnau kờñ bơh làng bol dê, tàm hơ̆ uă ngan là tàm ală sơnah ƀòn tiah tàm gùl. Mờ sồr ală sàh, sơnah ƀòn gam gơtìp bơta do pal mhar bơ̆t bơtàu anih lơh broă sră pơ-àr gơnoar atbồ lơgar is nàng ai ală broă lơh drơng ala tus rềp làng bol rơlao, tơrmù ờ uă ngan tơngai bal mờ priă lòt rê.