Dơ̆ ntrờn do geh 11 nă kông cứk, viên cứk bơh ală sờh, gah lơh broă, mpồl lơh broă gơwèt bal, tus lơh broă tàm 11 sàh tàm tiah đah măt tơngai mŭt càr dê. Jăt Jơnau lơh nền tàm pơrjum bơh Anih duh broă Làng bol càr Gia Lai ai, tơngai lơh broă tàm sàh bơh ală kông cứk, viên cứk geh ntrờn là bơh 3 tus 6 nhai.

Tàm tơngai lơh broă tàm sàh, kông cứk, viên cứk pal yal pah poh, yal tơrgùm bal lồi dơ̆ lơh broă, mờ tus bal bơto, bơtơl cau lơh broă tàm sàh, pơgồp bal tàm broă tơnguh uă bơta pràn lơh broă, atbồ tàm kấp sàh. Jăt Ƀí thư Tỉñ ủy càr Gia Lai ồng Hồ Quốc Dũng đơs, jơnau lơh nền do là broă lơh mùl màl nàng lơh jăt Jơnau đơs pơn dŭt bơh Ƀộ Cíñ trị dê bè broă lơh pràn broă lơh jăt gơnoar atbồ ƀòn lơgar 2 kấp, tơnguh uă cồng nha lơh broă mpồl lơh broă cíñ trị tàm sàh.