Càr Khánh Hòa wă rò dơ̆ par Nordwind bơh Moscow tơnơ̆ mờr 5 nam ơm ing
Thứ ba, 13:07, 30/09/2025
Cau mblàng: K'Duẩn/VOV
Cau mblàng: K'Duẩn/VOV
VOV.K’Ho- Klo ngai ngai (29/09) tàm Anih rơndeh par ơm T2 Ƀlàng rơndeh par ală lơgar Cam Ranh, Anih duh broă Làng bol càr Khánh Hòa neh bơyai lơh wă rò dơ̆ par sơn rờp bơh Moscow bơh gah rơndeh par Nordwind Airlines dê, pờ wơl gùng par Nga – Nha Trang tơnơ̆ mờr 5 nam ơm ing.
Tàm anih dờng tus ală lơgar T2, 20 nă nac sơn rờp geh pà bơkàu mờ phan kir sơnrai. Ală jơnau tamya ờs mờng, jơnau đơs crih ờs mờng geh đơs gờm chờ, lơh gơlik nùs nhơm ram mhŭ, rềp mềr.
Uă nac lòt nhơl gơ lơh kờñ ngan tŭ tus wơl Khánh Hòa, anih tus mờng kwèng ngan mờ dà lềng tơlir, ƀlàng bràs kò, tơngai rơmit. Broă pờ wơl gùng par Nga ờ mìng geh gơtha pờ wơl gùng lòt nhơl ală lơgar kuơmàng, mờ gam đơs nền Khánh Hòa là anih tus rềp mềr, gơ kờñ ngan, wèt tus jơnau kờñ gơ gơs tiah tờm lòt nhơl dà lềng sồ 1 tiah đah jum mat tơngai lik câu Á.
Viết bình luận