Nàng drơng pơrjum dờng in, 4 jơnum dong broă bơh Mpồl dềt Bơyai lơh dê geh: Yal jơnau tơnggit – mblàng yal; drơng broă; lơngăp lơngăi – ring lơngai mờ sền gàr pràn kơldang să jan cau ala mat gam jơh nùs lam lơh kơnòl broă jat broă rơndap lơh, is ồn tàm ală bơnah broă rơcang phan bơna, drơng broă, mblàng yal jơnau, lơh sơnơm mờ sền gàr lơngăp lơngai. 

Broă lơh sền gàr lơngăp lơngai rơndap tap sèng neh geh mpồl kwang àng, ling klàng bơt bơtàu broă rơndap lơh mùl màl, ndrờm bal, crăp rơcang drơng wơl mờ tơl broă gơlik geh lài mờ tŭ, tàm tŭ mờ tơnơ̆ tŭ pơrjum dờng. Mờ bơta lơh broă crăp rơcang, geh kơnòl bơh ală mpồl lơh broă geh gơnoar dê, càr Lâm Đồng gam lơh sir broă lơh rơcang lài, crăp rơcang ai broă cíñ trị dờng màng in. Jat broă rơndap lơh, Pơrjum dờng rơp geh lơh bơh ngai 09 tus ngai 11/10 do mờ 498 nă cau ala mat tus bal, geh 92 nă cau ala mat gam at kơnòl broă tŭ do mờ 406 nă cau ala mat geh sồr.