Mờ gùng dà “Tam klăc – Làng bol lơh tờm – Duh ngòt adăt boh lam –Lơh pràn – Bơtàu tơnguh”, Pơrjum dờng cau ala măt Đảng ƀộ càr Lâm Đồng dơ̆ I, tơngai lơh broă bơh nam 2025 tus 2030 rơ̆p bơyai lơh tàm 3 ngai, bơh ngai 09 tus ngai 11 nhai 10 nam 2025 tàm Hìu pơrjum dờng Hìu bơsram Lục quân, sơnah ƀòn Lâm Viên – Dà Làc, càr Lâm Đồng.

Tus pơrjum geh 498 nă cau ala măt mùl màl, tàm hơ̆ geh 92 nă cau ala măt gam at gơnoar broă mờ 406 nă cau ala măt geh sồr bơh 128 Đảng ƀộ gơwèt Tỉñ ủy ala măt mờr 119 rơbô 400 nă đảng viên gùt càr. Ồng Nguyễn Khắc Bình, Kwang lam bồ Cơl dŭ lơh broă Tỉñ ủy càr Lâm Đồng pà git, jơnau rơcang cih Jơnau yal cíñ trị pơrjum dờng geh ai 3 tơngu me lơh pràn tờm nàng lơh jăt tàm tơngai pa: Hơ̆ là tơrgùm bơtàu tơnguh phan bơna gùng lòt jŏ jòng; lơh pràn broă lơh niam sră nggal; tơrgùm broă lơh pràn broă kwang bàng, ai lơh, ngui kwang bàng tơl niam di cau, di broă”.