Broă rơndap lơh nàng kờñ lơh jat ngan ngồn Jơnau lơh nền tàm pơrjum bơh Quôk hội dê, là bơnàng jă adat boh lam kuơmàng nàng hòi jà tă pơgồp priă jền lam lơh Rơndap broă lơh đèng hạt ñân Ninh Thuận. Jat hơ̆, Ƀộ Lơh sa mờ măi mok mờ kă bro phan hờ lơgar ndai geh jàu đơng lam, lơh cau tờm bơcri priă lơh Rơndap broă lơh Ninh Thuận 1 mờ 2. Tàm nhai 9 nam 2025, Ƀộ pal lơh gơs broă kĭ mờ mpồl lơh broă bal bè Rơndap broă lơh Ninh Thuận 1 mờ tàm nhai 12 nam 2025 pal lơh gơs broă tàm bơyai, kĭ bè Rơndap broă lơh Ninh Thuận 2.

Anih duh broă làng bol càr Khánh Hòa geh jàu mhar lam lơh broă lơh ntrờn làng bol, rơndap ƀòn ơm kis pa mờ ai ù lơh rơndap broă. Ƀộ Bơto bơtê mờ Bơsram đơng lam lơh Ală jơnau lơh nền bơto bơtê cau lơh broă bè đèng hạt ñân. Ƀộ Jak chài mờ măi mok rơp lam lơh Ală jơnau lơh nền mblàng yal bè broă rơndap lơh bơtàu tơnguh đèng hạt ñân. Jơnau kờñ geh ai tơlik là lơh gơs ndrờm bal phan bơna ai 2 rơndap broă lơh in tàm tơngai bơh nam 2025 tus nam 2026.