Dơ̆ tus còp do bơh Bơtau lơgar Brunei dê ai tơngŏ broă lơh ngan bơh bàr lơgar gơguh sùm, lơh nền nòn bơta git gơ̆p lơh bơyô bal mờ lơh broă bal tàm jơh ală gah broă, tơnơ̆ mờ tŭ neh tơnguh kấp git gơ̆p đah bàr lơgar tus Tam klăc bal Tơl ală bơta. Mờ dơ̆ tus còp ai tơngŏ bơta sền kwơ mờ nùs nhơm lơh bơyô kơl jăp mờ lơgar Brunei ai lơgar Việt Nam in, bè dùl lơgar lơh broă bal pin dờn tàm mpồl ASEAN dê.

Tàm bơta git gơ̆p Tam klăc bal tơl ală bơta đah lơgar Việt Nam mờ lơgar Brunei bơtàu tơnguh niam bơnĕ, dơ̆ tus còp kấp Dà lơgar tus lơgar Việt Nam bơh Bơtau lơgar Brunei dê pơn jăt tai pơgồp bal tàm broă tơnguh mờ lơh nền nòn rơlao tai nùs nhơm pin dờn cíñ trị, lơh pràn lơh broă bal uă gah broă đah bàr lơgar, tàm hơ̆ geh cíñ trị, cri bơyai broă mờ lơgar ndai, sền gàr dà lơgar, lơngăp lơngai, lơh sa, kă bro phan, bơcri priă, bơto bơtê, niam chài, Halal, tìp bal làng bol… tơnơ̆ dơ̆ wă, Củ tịc lơgar ồng Lương Cường mờ Bơtau lơgar Brunei lam bồ Mpồl kwang bàng kấp dờng bàr lơgar bơyai lơh cri bơyai, sền wơl cồng nha lơh broă bal đah bàr lơgar tàm tơngai do mờ ai geh ală gùng dà broă lơh, lơh broă bal tàm tơngai tus.