Đơs tàm pơrjum, Củ tịc lơgar ồng Lương Cừơng đơs sùm, tŭ do, mìng gam rlau 1 nhai tai rơ̆p tơn jơh nam 2025, mờ tơngai lơyah ngan, broă lơh uă, jơnau sồr uă. Den tàng, Cơldŭ lơh broă kờñ pal lơh ngan, rcang lài nền nòn, lam lơh kơnòl broă broă rơndăp lơh niam ngan, kơ̆ ngan, di mờ broă lơh; ală broă lơh lam lơh ai cồng nha broă lơh là bơta đo was.

Mơkung pơn jat tai lơh jat niam nùs nhơm geh kơnòl, pơgồp dùl nùs bal ală mpồl lơh broă geh gơrềng sền sơ wì ală bơta, rcang lài jơnau đơs tă pơgồp bal, kờp sền ờ gŏ di lời hŭi jơh bal kơnòl broă ờs mờng mờ nisơna. Bal mờ hơ̆, Cơldŭ lơh broă Củ tịc lơgar tơrgùm đơng lam, sồr lơh bơyai lơh niam broă tơn jơh lơh jat kơnòl broă nam 2025, lam lơh kơnòl broă nam 2026; tàm hơ̆ sền sơwì ală cồng nha lơh geh mờ ală bơta gam gơ kòl dùl bă ngan ngồn, di ngan nàng bơt bơtàu broă rơndăp lơh, lam lơh broă lơh tàm tơngai tus lơh geh cồng nha ngai sơlơ niam rlau tai.