Tàm dơ̆ lơh broă, Ƀí thư Tỉñ ủy bàr càr neh yal jơnau yal cíñ trị, jơnau yal sền tìs di, ală jơnau lơh nền bè kwang bàng mờ jơnau rơcang cih jơnau lơh nền tàm pơrjum. Ală cau ala mat jờng rơ cồng nha neh lơh geh, mờ kung sồr lơh loh rlau tai broă lơh bơsong bơta ờ niam, tă bơsong bơta gơ kòl bè bơtàu tơnguh, đal git kơnòl broă tờm, ai tơlik lài gùng dà bơtàu tơnguh tus nam 2045.

Đơs pơn dut pơrjum, Củ tịc lơgar ồng Lương Cường cih dờp broă lơh ngan bơh càr dê, ring bal mờ jơnau rơcang cih sră nggal, sồr cih dờp jơnau đơs Ƀộ Cíñ trị dê, ngan là jơnau sồr lơh bơh Tổng Ƀí thư ồng Tô Lâm dê nàng lơh sir. Củ tịc lơgar kung sồr bơt bơtàu broă lam lơh ngan ngồn, loh cau, loh broă, loh tŭ tơngai, gơtùi lam lơh jat mơ tơnơ̆ pơrjum dờng, lơh jat jơnau sồr broă rơndap lơh mờ gùng dà ai tơlik lài bơtàu tơnguh tàm tŭ tơngai pa.