Tơnơ̆ tŭ iăt ală jơnau yal, jơnau sồr đơs, lam lơh ală kơnòl broă bơh ala mat đơng lam bồ ală mpồl lơh broă geh gơrềng dê, đơs pơndŭt tàm dơ̆ pơrjum, Củ tịc lơgar ồng Lương Cường tơngkah bàr pe kơnòl broă tờm tàm tơngai tus, tàm hơ̆ geh jơnau sồr Cơldŭ lơh broă rcang niam ală tơngume drơng broă Củ tịc lơgar, Phó Củ tịc lơgar tus bal Pơrjum dơ̆ 13 bơh Mpồl duh broă Đảng Dà lơgar khoă 13, pơrjum dơ̆ 10 Quôk hội khoă 15 mờr tus.

Củ tịc lơgar sồr Cơldŭ lơh broă yờ tơnguh uă rlau tai cồng nha lơh broă tă pơgồp jơnau đơs tàm ală gah broă tàm dơlam lơgar, lơh broă mờ lơgar ndai; di tŭ tă pơgồp jơnau đơs ală tơngume geh ngan, geh ƀơta jrô ơnàng lam uă, gàr niam di tŭ tơngai mờ cồng nha lơh broă.