Mho mang ngai 03/09, tàm Bắc Kinh, lơgar Lo, tơn jơh ală broă lơh tìp măt 2 gah, Củ tịc lơgar ồng Lương Cường neh tìp măt kâp dờng Kwang ătbồ lơgar Nga ồng Vladimir Putin. Củ tịc lơgar đơs nền Việt Nam sền dờng màng gĭt gơ̆p mờ lơgar Nga, kờñ bal lơgar Nga bơtàu tơngguh sùm, pràn kơnhăp mờ lơh jăt niam gơnoar broă jơh nùs tàm muh măt ală lơgar, crăp rơcăng chồl tơngguh lơh broă bal Nga mờ Asean. Củ tịc lơgar đơs sùm Việt Nam jờng rơ mpồl lơh sa kă bro lơgar Nga bơcri priă tàm ală tiah lơh sa mờ măy mŏk, lơh broă bal phan bơna sơnơm tơm ba, măy mŏk sồ…

Bàr nă kwang đơng lam dùl nùs ring bal bơ̆t bơtàu pràn kơldang gĭt gơ̆p cíñ trị- cribơyai broă mờ lơgar ndai, lam lơh jăt geh cồng nha ală jơnau ring bal lơh geh tàm dơ̆ lòt còp bơh Kwang ătbồ lơgar Nga ồng Vladimir Putin dê tus lơgar Việt Nam nhai 06 nam 2024 mờ dơ̆ lòt còp lơgar Nga bơh Tổng Ƀí thư ồng Tô Lâm dê nhai 05 nam 2025; mơkung tơngguh tai tàm pơgơl mpồl kwang bàng kâp dờng lòt còp bal mờ gơ̆p. Bàr đah đơs nền jơh nùs lơh ngan tơngguh broă lơh broă bal lơh sa- kă bro phan, bơcri priă, ndrờm pal mờ gĭt gơ̆p cíñ trị niam bơnĕ mờ bơta pràn uă ngan bơh tơl lơgar dê.