Đơs tàm dơ̆ tơngkah, Củ tịc lơgar ồng Lương Cường đơs nền, tàm jơh gùt gơl gùng 80 nam bơt bơtàu, bơtàu tơnguh mờ dờng pràn, tềng đap bơta đơng lam bơh Đảng dê, mpồl cau geh jơnau git wă jrô bè adat boh lam Việt Nam neh lòt bal mờ jơi bơtiàn mờ geh ală tă pơgồp dờng màng ngan tàm dơ̆ tam lơh dră wơl bol sò tơm Tây, bol sò tơm Mỹ sơ gràm dà lơgar, tơngklàs jơi bơtiàn, tơrgùm dùl dà lơgar lài do, kung bè tàm broă lơh bơt bơtàu mờ sền gàr dà lơgar tŭ do. 

Củ tịc lơgar ồng Lương Cường pin dờn mờ nùs nhơm tam klac bal, bơceh lơh mờ geh kơnòl uă, mpồl cau geh jơnau git wă jrô bè adat boh lam Việt Nam rơp pơn jat tai đòm jat bơhiàn dờng màng 80 nam do, ngai sơlơ pơnđơl bơsram, pơlam tàp, tơnguh nùs nhơm cíñ trị, nùs nhơm lơh broă, mờng chài lơh broă, bơta chài lơh broă, nùs nhơm lơh broă nàng lam lơh kơnòl broă dờng màng; sền gàr jơnau song adat boh lam, sền gàr adat boh lam, sền gàr gơnoar kòn bơnus, gơnoar mờ bơta kuơ dipal bơh làng bol, bơh dà lơgar mờ bơh mpồl bơtiàn dê, pơgồp bơnah ngan ngồn tàm broă lơh bơt bơtàu, bơtàu tơnguh dà lơgar tàm rài pa.