Đơs tàm dơ̆ bơyai lơh, Củ tịc lơgar ồng Lương Cường tơngkah uă ngan bồ tơngoh ling klàng Hồ Chí Minh; ală jơnau lơh nền, gùng dà broă lơh, Jơnau lơh nền tàm pơrjum bơh Đảng dê, ngan là gùng dà ling klàng, sền gàr dà lơgar, lơh broă mờ lơgar ndai mờ Broă rơndap lơh sền gàr dà lơgar tàm bơta pa; bơt bơtàu Mpồl phàu crong Ling tiah kac màng, ngan ngồn, ngac ngar, pa ngan.

Củ tịc lơgar pin dờn jơh gùt kwang ling, ling geh griăt, kwang bàng, cau lơh broă, cau ling mờ cau lơh broă Mpồl phàu crong Ling tiah 3 dê rơp gàr kơ̆ mờ đòm jat bơhiàn pơn yờ să “Tam klac bal, rơcang lài, bơceh lơh, phi să, pha lin”, lơh ngan pơn đơl pràn lơh gơs jak tơl kơnòl broă geh jàu, pơgồp bơnah bal mờ jơh gùt Đảng, jơh gùt làng bol, jơh gùt ling klàng sền gàr kơ̆ dà lơgar Việt Nam sàh hội củ nghĩa, lam dà lơgar pin dờn mut tàm rài pa - rài bơtàu tơnguh pas sơm, pràn kơldang bơh jơi bơtiàn Việt Nam dê.

Tàm dơ̆ tơngkah, Củ tịc lơgar ồng Lương Cường neh jàu pà Gai lòng sền gàr Dà lơgar khà dùl ai Ling tiah 3, Ƀộ ling klàng in.