Đơs tàm Ngai chờ, Củ tịc lơgar ồng Lương Cường đơs loh, bơh bơta pràn bơh nùs nhơm tam klac is, pơnđơl pràn is, brồ guh is mờ jơh gùt làng bol, jơh gùt ling klàng he tềng đap bơta đơng lam bơh Đảng dê neh sơrlèt gan git nđờ kal ke, bơta lòng, jai pha tơl mpồl sò tơm sơ gràm phà, tơrgùm dùl dà lơgar – tơrgùm dà lơgar gơ gơs dùl, mờ lơh geh ală cồng nha dờng màng, geh gơtha kah yau tàm 40 nam tam gơl pa, nàng dà lơgar geh tŭ niam, bơta pràn, gơnoar broă mờ bơngă pin dờn bè tŭ do.

Mờ bơhiàn ờs mờng kơ̆ dơn, kờñ gơboh bal kòn bơnus, bơta tam klac bal geh bơt bơtàu, sền gàr, prap gàr wơl tàm uă rơnàng bơh làng bol Bảo An mờ 16 thôn sàh Gò Nổi dê, bal mờ bơta pơnđơl pràn bơh kâp ủy, gơnoar atbồ, mặt trận ală kâp dê, Củ tịc lơgar pin dờn ală thôn bơh sàh Gò Nổi dê rơp pơn jat tai bơtàu tơnguh pràn kơldang, gơ gơs là tiah niam tiơng pơn rơ tàm bơt bơtàu ƀòn lơgar pa lơh lài, thôn ƀòn gơguh jak, niam chài, lơngăp lơngai, gơboh gơbài.