Đơs sồr lơh tàm Pơrjum dờng, Củ tịc lơgar ồng Lương Cường sồr càr Phú Thọ gàr kơ̆ tam klăc bal, ring bal uă bè bơta gĭt wă mờ lơh broă. Pơn jat tai tơrgùm đơng lam, sồr lơh mpồl bơt bơtàu, lơh niam wơl Đảng mờ ală anih lơh broă cíñ trị ngan ngồn sàng goh, kơnhăp pràn bè cíñ trị, bồ tơngoh, mpồl cau, nùs nhơm mờ kwang bàng.

Củ tịc lơgar pin dờn là Đảng ƀộ, gơnoar atbồ, làng bol ală jơi bơtiàn mờ mpồl ling phàu crong càr Phú Thọ rơ̆p pơn jat tai đòm jat niam bơhiàn kờñ gơboh dà lơgar, nùs nhơm tam klăc dờng, nùs nhơm kơnờm tàm bơta pràn is, lơh is, kơ̆p kờñ ngan brồ guh, jơh nùs lơh ngan tus geh jơnau kờñ Jơnau lơh nền tàm pơrjum bơh Pơrjum dờng cau ala mat Đảng ƀộ càr dơ̆ I, bơt bơtàu càr Phú Thọ ngai sơlơ pas niam, jak chài, gơboh gơbài, di pal mờ măt sơnđan ù tiah tờm Bơtau Hùng dờng màng, mò pàng bơh jơi bơtiàn Việt Nam dê, pơgồp bơnah bal mờ jơh gùt Đảng, jơh gùt làng bol, jơh gùt ling klàng lơh tus geh 2 jơnau kờñ kwơ màng 100 nam.