Tơngkah 80 nam kac màng nhai 8 geh cồng nha mờ Sơntờm lơgar 02/9, tàm Anih tờm Pơrjum ală lơgar, ƀòn dờng Hà Nội, Anih duh broă mặt trận dà lơgar Việt Nam yŭ rơyùm bơyai lơh Pơrjum tìp mat bơh đơng lam Đảng, dà lơgar dê mờ cau ala mat geh pơn rơ gơguh jak, ala mat ală rơnàng làng bol.

Đơs tàm dơ̆ tìp mat, Củ tịc lơgar ồng Lương Cường đơs sùm, tềng đap bơta đơng lam bơh Đảng Kộng sản Việt Nam, Mặt trận dà lơgar Việt Nam sùm gàr gơnoar broă lơh tờm cíñ trị, là hìu ơm bal bơ tòm tơrgùm, tam klac bal ală rơnàng cau tàm mpồl bơtiàn, ală jơi bơtiàn, ală gah jat yàng, cau Việt Nam tàm lơgar mờ bơdìh lơgar, lơh gơlik bơta pràn dờng ngan bơh mpồl tam klac dờng jơh gùt jơi bơtiàn dê. Củ tịc lơgar sồr Mặt trận dà lơgar Việt Nam ală kâp crap rơcang, bơceh lơh rlau tai tàm broă ngui niam gơnoar broă, bồ tơngoh jak bơh mpồl cau, cau nă să is geh pơn rơ gơguh jak dê tàm ală rơnàng làng bol, làng bol ală jơi bơtiàn, ală gah jat yàng, mpồl cau lơh sa kă bro mờ cau Việt Nam tàm lơgar ndai, pơgồp bơnah bơto bơtê bơhiàn bơh yau, bơto bơtê bồ tơngoh kac màng mờ tơnguh bơta kơp kơnờm tă pơgồp bơh rơnàng cau kơnòm să dê tàm broă lơh kac màng dờng màng bơh jơi bơtiàn dê tàm rài pa.