Củ tịc lơgar ồng Lương Cường lòt Pơrjum kwang bàng kâp dờng APEC pơgồp bal còp lơgar Hàn Quôk dơ̆ do geh gơtha kuơmàng ngan, ờ mìng ai tơnggŏ bơta tò dong gơ wèt mờ lơgar tờm lơh pơrjum bơh APEC dê mờ gam pơgồp bơnah lơh kơ̆ bơta git gơp Lơgar lơh broă bal jŏ jòng tơl làm Việt Nam – Hàn Quôk. Mờ kung pơn jat tai đơs nền bơta tă pơgồp jơh nùs, geh kơnòl bơh lơgar Việt Nam dê tàm broă bơsong ală broă tàm tiah do mờ gùt plai ù, is ồn là sồr lam lơh broă tơrbŏ bal lơh sa ală lơgar, lơh gơlik bơta gơn kơnờm pa ai gơguh lơh sa bơh tiah do dê in.

Việt Nam rơp bơyai lơh nam APEC 2027, broă do geh đơs là dơ̆ nàng Việt Nam sồr lam lơh Broă rơndap lơh APEC tus nam 2040 mờ Việt Nam neh bơceh lơh mờ tus bal bơt bơtàu bal mờ ală lơgar geh jơng tàm mpồl bơh nam 2017. Mờ kung là tŭ niam nàng lơgar he yal tơnggit rùp să dà lơgar tam gơl pa, ngac ngar, bơtàu tơnguh pràn kơldang, bơh hơ̆ lơh pràn cribơyai broă mờ lơgar ndai lơh sa mờ niam chài, tơnguh gơnoar broă tàm tiah do mờ tàm muh mat ală lơgar.