Tàm 5 nam do, uă mpồl, cau dùl nă să tàm gah Bơto bơtê neh geh: Củ tịc lơgar jào pà Huân cương ală bơta, jào pà khà Cau pơgru Làng bol, Cau pơgru Jak ngan; Thủ tướng Cíñ phủ pà Bồng bi pơrlòng bơh Cíñ phủ, Sră jờng rơ; Ƀộ trưởng Ƀộ Bơto bơtê mờ Bơsram jào pà bồng bi pơrlòng bơh Ƀộ mờ Sră jờng rơ…

Tơnguh ală cồng nha neh lơh geh, tàm tơngai tus, Ƀộ Bơto bơtê mờ Bơsram hòi jà bơta pràn tơrgùm bal bơh ală kấp ủy đảng, mpồl lơh broă tàm broă lơh jăt broă pơrlòng, pơn jờng. Gùt gah Bơto bơtê pơrlòng tam gơl pa bơceh lơh, tơnguh uă bơta niam broă bơto mờ bơsram, ai geh cau lơh broă geh bơta jăk uă, di pal mờ jơnau kờñ bơtàu tơnguh dà lơgar tơngai bơh nam 2025 tus 2030, bơh tŭ hơ̆ pơlam, sồr mpồl cau pơgru, cau bơto, cau lơh broă, kơnòm bơsram, cau bơsram dờng tam klăc bal, tơrmù kal ke, lơh ngan lơh gơs jăk kơnòl broă geh jào.