Đơs tàm dơ̆ sơn đờm mŭt bơsram, Củ tịc lơgar ồng Lương Cường đơs nền Hìu kơlôi sơnơng Sền gàr dà lơgar là tiah niam bè broă kơlôi sơnơng bơta chài, pơlam broă lơh, bơtàu tơnguh jơnau nrĭ, tơnguh uă bơta pràn đơng lam, sồr lơh mờ atbồ ling klàng, lơngăp lơngai Đảng, Dà lơgar dê, pơgồp bal tàm broă bơ̆t bơtàu ling klàng, tơnguh broă sền gàr dà lơgar bơh gờñ, bơh ngài, gàr kơl jăp cíñ trị mpồl bơtiàn, ai geh bơta pràn kơl jăk broă bơ̆t bơtàu mờ sền gàr Dà lơgar.

Nàng lơh niam gơnoar broă, kơnòl broă tàm rài pa bơh Hìu bơsram kơlôi sơnơng Sền gàr dà lơgar dê, Củ tịc lơgar sồr Hìu bơsram kơlôi sơnơng pal pơn jăt tai rơcang lài, nền nòn lơh geh cồng nha ală gùng dà broă lơh bơh Đảng, adăt boh lam bơh Dà lơgar dê bè sền gàr dà lơgar, lơngăp lơngai, bè jơnau kờñ kơnòl broă bơ̆t bơtàu mpồl kwang bàng kâp dờng Đảng, Dà lơgar dê, mpồl ling; mờ rơcang lài lơh jăt, lơh jăt Jơnau lơh nền tàm Pơrjum dờng Đảng ƀộ Ling klàng dơ̆ XII mờ Jơnau lơh nền tàm pơrjum dờng dơ̆ XIV Đảng dê mŭt tàm broă tàp ling, bơto bơtê nàng lơh geh bơta pràn bè tơngu me, broă lơh, gùng dà broă tàp ling, bơto, pơgồp bal jơnau đơs mờ broă lơh mùl màl, gơdờp bal mờ broă sền gàr Dà lơgar tàm bơta pa.