Củ tịc lơgar ồng Lương Cường wă Cau bơceh lơh Tập đoàn MEBO International
Thứ sáu, 06:00, 31/10/2025
Cau mblàng: K'Duẩn/ VOV
Cau mblàng: K'Duẩn/ VOV
VOV.K’Ho – Drim ngai 30/10, tàm ƀòn dờng Gyeongju, tàm tơngume broă tus bal Tơngleh kâp dờng Anih cribơyai Lơh broă bal lơh sa câu Á – Thái Bình Dương (APEC) dơ̆ 32 mờ lơh broă 2 gah tàm lơgar Hàn Quôk, Củ tịc lơgar ồng Lương Cường neh wă mò Lý Lợi, Cau bơceh lơh Tập đoàn MEBO International bơh lơgar Lo dê.
Tàm dơ̆ wă, Củ tịc lơgar ồng Lương Cường đơs nền, Việt Nam sùm lơh gơlik tơn bơta ƀuơn ai ală mpồl lơh sa kă bro lơgar ndai in, tàm hơ̆ geh Tập đoàn MEBO, bơh bơta lơh jat di ală jơnau sồr mờ adat boh lam lơgar Việt Nam, iang nùs bơcri priă kă bro geh cồng nha, kơljap sùm mờ jŏ jòng tàm lơgar Việt Nam. Bơh bơta git gơp lơh bơyô ờs mờng niam bơnĕ đah Việt Nam mờ Lo, tàm hơ̆ geh gah lơh sơnơm, sơnơm tơmba, Củ tịc lơgar kơp kờñ là ală broă lơh bơcri priă, lơh broă bal mờ Việt Nam bơh Tập đoàn MEBO dê rơp pơgồp bơnah tàm broă lơh kơ̆ rlau tai bơta git gơp 2 gah đah 2 lơgar rềp bal oh mi.
Viết bình luận