Củ tịc lơgar ồng Lương Cường đơs nền Việt Nam sùm sền dờng màng, kơp kờñ ngai sơlơ lơh kơ̆ kơljap, bơtàu tơnguh bơta git gơp lơh bơyô ờs mờng mờ lơgar lơh broă bal jŏ jòng tơl làm mờ Nga. 

Tàm dơ̆ wă, bàr gah ring bal pơn jat tai sơlơ tơnguh bơta pin dờn cíñ trị, lơh pràn lơh broă bal tàm ală gah Đảng, Dà lơgar, Quôk hội mờ càr, ƀòn dờng; sồr lam lơh broă lơh, rơndap broă lơh broă bal ngan ngồn tàm jơh ală broă; mờ kung sơlơ tơnguh tai tìp mat lơh kwèng làng bol, niam chài, tàp pràn să jan mờ lòt nhơl, mờ pin dờn mờ bơta lơh ngan bơh jơh bal 2 gah dê, Việt Nam mờ ală ƀang Nga rơp jòi geh ală gùng dà, broă lơh geh cồng nha nàng tă bơsong bơta gơ kòl, sơrlèt gan kal ke, chồl tơnguh bơta git gơp 2 gah bơtàu tơnguh pràn kơldang.