Ngai 21/9 tàm Seattle, Củ tịc lơgar ồng Lương Cường wă Mpồl Nghị sìh ƀang Oregon bơh Hạ nghị sìh ồng Nguyễn Bá Lộc lam bồ, di dơ̆ tus bal Dar pơrjum cribơyai bal kấp dờng Mpồl duh broă Liên hợp quôk khoă 80. Củ tịc lơgar jờng rơ Oregon là anih tờm jak chài, măi mok pa, ƀán zẫn mờ năng lượng lơh gơlik wơl lam lài lơgar Mỹ dê, là lơgar lơh broă bal kwơ màng bơh Việt Nam dê tàm lơh broă bal mờ sơlơ tơnguh tai kơ̆ kơl jăp jŏ jòng.

Việt Nam crăp rcang lơh geh ală bơta ai mpồl lơh sa kă bro, anih bơto bơtê Oregon pờ ơnàng lơh broă bal, bơcri priă, kơlôi sơnơng tàm Việt Nam; sồr pơn jat tai kờñ bơta gĭt gơ̆p đah 2 gah, sơlơ tơnguh tai lơh broă bal lơh sa- kă bro phan, jak chài – măi mok, lơh sa mờ măi mok ƀán zẫn, bơto bơtê mpồl lơh broă jak. Củ tịc lơgar kơ̆p kờñ Mỹ gờñ dờp kơrnoat lơh sa drà kă bro lơgar Việt Nam mờ ai Việt Nam lik bơh mat tơrmù ƀà tăc măi mok pa mờ lơgar ndai.