Củ tịc lơgar ồng Lương Cường mờ pơ ùr bal mờ Mpồl kwang bàng kâp dờng lơgar Việt Nam neh tơn jơh niam bơnĕ dơ̆ tus bal ală broă lơh kâp dờng Pơrjum dờng Liên hợp quôk khoă 80, pơgồp bal broă lơh 2 gah tàm lơgar Mỹ bơh ngai 21 tus ngai 24/9. Tàm dơ̆ lòt lơh broă, Củ tịc lơgar neh geh ală jơnau đơs kuơmàng tàm Dar cribơyai bal kâp dờng bơh Pơrjum dờng Liên hợp quôk khoă 80 dê mờ Broă kâp dờng gùt plai ù is ồn bè Lơh broă nhơm trồ tiah. Bal mờ hơ̆, Củ tịc lơgar neh geh ală dơ̆ tìp mat 2 gah mờ đơng lam ală mpồl lơh broă ală lơgar mờ đơng lam ală lơgar. Củ tịc lơgar đơs nền, Việt Nam sùm pơnđơl jơh pràn mờ lòt bal mờ jơh ală lơgar nàng àñ ơnòng ală kơnòl dờng màng bal, sơrlèt gan ală bơta lòng, lơh geh tam gơl pràn kơldang nàng bơt bơtàu dùl dunia ring lơngai, kơ̆ kơnhăp, bơtàu tơnguh pas sơm mờ kơ̆ sùm, cèng wơl gơboh gơbài, hờm ram ai tơl nă làng bol in.

Dơ̆ lòt lơh broă bơh Củ tịc lơgar dê neh lơh geh cồng nha niam bơnĕ tàm jơh bal uă lơgar mờ 2 lơgar, lời wơl tềl niam ngan bè gơnoar broă, bơngă, tă pơgồp jơh nùs, ngan ngồn bơh Việt Nam dê tàm broă bơsong ală broă gùt plai ù kung bè chồl tơnguh bơta git gơp đah Việt Nam mờ Mỹ, bơta git gơp đah Việt Nam mờ ală lơgar nàng kờñ tă pơgồp ai ring lơngai, bơtàu tơnguh tàm tiah do mờ dunia in.