Mờ jơnau yal “Jờng rơ bơta kwơ ring lơngai, tam gơl pràn kơl dang nàng bơceh lơh rài tơnơ̆ do kơnhăp jŏ”, Củ tịc lơgar đơs nền, 80 nam lòt gan, Liên hợp quôk sùm là tiah bơh bơta kơ̆p kờñ bal bơh jơi bơtiàn kòn bơnus dê bè ring lơngai, lơh broă bal mờ bơtàu tơnguh, jat tàm ală bơta kwơ tơrgùm bal bè gơnoar kòn bơnus, lơngăp lơngai is jơi bơtiàn, ring bal ùr klau mờ gơguh jak mpồl bơtiàn.

Củ tịc lơgar jờng rơ uă ngan gơnoar bơh ală mpồl tàm tiah do dê, tàm hơ̆ Asean at gơnoar broă anih tờm tàm câu Á- Thái Bình Dương, jơh nùs bơt bơtàu mpồl bơtiàn pràn is, tơrgùm bal, kơnhăp jŏ. Củ tịc lơgar tam pà jơnau yal Việt Nam bơh tiah gơn ru tơrlah tơrling bơh rài tam lơh, neh là tiah rƀah rơƀừp, bơrngơl gơla, gơtìp wàng se kơryan ờ ai mơya kung neh brồ guh gơ gơs lơgar gam bơtàu tơnguh, priă lơh geh kờp bal tơl nă cau di mơ, mut gơ rờm bal jrô ơnàng làm uă mờ tă pơgồp jơh nùs tàm ală broă lơh sền gàr ring lơngai bơh Liên hợp quôk dê.