Củ tịc Quôk hội đơs niam ală bơta tă pơgồp bơh Petronas dê gơ wèt mờ bơta gàr tơl năng lượng Việt Nam mờ bơta git gơp lơh broă bal đah Việt Nam mờ Malaysia dê. Ồng đơs là, lơh broă bal năng lượng đah 2 gah gam uă bơta pràn tàm tŭ tơngai ală lơgar lơh pràn broă tam gơl năng lượng. Củ tịc Quôk hội kơp kờñ Petronas pơn jat tai lơh broă bal mờ Việt Nam, gàr mpồl tac nhơm kơ̆ kơljap sùm, jŏ tơngai; rề ơnàng lơh broă bal tàm năng lượng tơlir, năng lượng lơh geh wơl, lam lơh geh cồng nha ală rơndap broă lơh neh hơ pơrgon, lơh jat adat boh lam 2 lơgar. Mờ kung sồr Petronas dong kờl bơto bơtê cau lơh broă, tàm jàu măi mok, ngan là ală rơndap broă lơh năng lượng rài pa kờp dŭ geh ai tac bro bơh nam 2025.