Bàr đah tơlik nùs nhơm brơn brài tềng đăp gĭt gơ̆p lơh broă bal ngai sơlơ kơnhăp, geh kwơ ngan ngồn đah bàr Quôk hội, đơs niam ngan broă bơh chờm neh lơh sir pang sră “50 nam gĭt gơ̆p Quôk hội Việt Nam – Lào” rơ̆p geh cih tăc tàm nam 2025. Bàr đơng lam ring bal pơn jăt tai ai gĭt gơ̆p cíñ trị lòt mŭt ngan ngồn tàm uă broă, tơngguh tai lơh broă bal tàm broă lơh sa, kă bro phan, năng lượng, logistics; sơlơ tìp măt lơh kwèng tai làng bol, ngan là rơnàng kơnòm să, nàng bơ̆t bơtàu gĭt gơ̆p lơh bơyô is ồn đah Việt Nam mờ Lào.

Củ tịc Quôk hội ồng Trần Thanh Mẫn sồr Lào ai tơl bơta ƀươn rlau ai mpồl lơh sa kă bro lơgar Việt Nam in bơcri priă. Bàr đah kung ring bal tam pà mờng chài bơ̆t bơtàu Đảng, lơh sir ală anih lơh broă cíñ trị, tơrmù dipal mpồl lơh broă, tàm hơ̆ geh Quôk hội, pơgồp bơnah lơh kơ̆ kơl jăp tai nùs nhơm tam klăc đah Việt Nam mờ Lào.