Jăt tơrgùm kờp bơh Ƀộ Broă lơh sa sươn sre mờ Tiah ơm kis dê, tus tŭ do neh geh 18 càr, ƀòn dờng gơtìp gơrềng kơn jơ̆ ngan bơh mìu càl rbŭt dờng sồ 10. Mìu càl rbŭt dờng sồ 10 neh lơh rlau 34 nă cau chơ̆t mờ 20 nă cau tŭ do gam roh thĭt; bal mờ hơ̆ là 40 nă cau ndai gơtìp sồt să. 153 hìu làng bol gơtìp tơrlah tơrlơm jơh; rlau 154 rbô nơm hìu ờdiơng, gơ pồ rơkàng. Broă lơh sa sươn sre hoàc hươr uă bal mờ mờr 49 rbô lồ kòi mờ phan tam gơtìp ngơr bam; 1 rbô 524 nơm phan puan jơng, 381 rbô nơm phan bàr nơm jơng gơtìp chơ̆t, dà pơrdô.

Tam pà bal mờ ală kal ke, roh rui bơh làng bol mờ ală ƀòn lơgar dê, đòm jăt nùs nhơm tàm dong tàm kờñ bal, nha ràm glòm nha sèt, Anih duh broă Lơh kơnòl broă sùm Quôk hội bơyai lơh dơ̆ tă pơgồp dong kờl làng bol tiah gơtìp hoàc hươr. Jăt hơ̆, ală cau ala măt Quôk hội lơh broă mờng lơh kơnòl broă; kwang bàng, kông cưk, viên cưk, cau lơh broă Cơldŭ lơh broă Quôk hội; Mpồl duh broă Jơi bơtiàn mờ ală Anih duh broă Quôk hội dê bal mờ khà tă pơgồp mờ khà priă 600 tơlak đong.