Tàm dơ̆ tàm tìp, bàr gah đơs sùm, nam 2025 là nam geh uă jơnau gơtha tàm kah yau tơl lơgar mờ tàm bơta git gơp đah 2 lơgar; bàr gah neh tus bal uă broă lơh mờ dơ̆ bơyai lơh tơngkah kuơmàng bơh gơp dê; bal mờ gơp bơyai lơh uă broă nàng tơngkah 75 nam Ngai tơng gơs bơta git gơp cribơyai broă mờ lơgar ndai đah 2 lơgar, ai tơnggŏ nùs nhơm ờs mờng tàm bơta git gơp lơh bơyô mờ 2 lơgar neh lời gơp in. 

Bàr gah ring bal đơs là, bơta git gơp lơh broă bal jŏ jòng tơl làm Việt Nam mờ Nga gam bơtàu tơnguh niam ngan; lơh broă bal 2 gah tàm ală gah lơh sa – kă bro phan, bơcri priă geh chồl tơnguh jat gùng dà ngan ngồn, geh cồng nha, ngan là lơh broă bal lơh sa suơn sre, brê bơnơm, phan tàm dà, kòi phe; broă 2 gah rề ơnàng ală gùng par song neh pơgồp bơnah chồl tơnguh lơh broă bal tìp mat lơh kwèng làng bol, lòt nhơl, kă bro phan đah 2 lơgar.