Tàm ngai chờ, Củ tịc Quôk hội ồng Trần Thanh Mẫn sồr, ƀòn dờng Hà Nội tơrgùm đơng lam lam lơh Jơnau lơh nền tàm pơrjum bơh Pơrjum dờng ƀòn dờng pa do dê; hời rơ hời bơsong jơh 4 broă là gơkòl gùng lòt rê; rơndăp tăp sèng tiah drà tơlir, sàng goh niam, ngăc ngar; ƀơ̆ ƀơl tiah ơm kis, ƀơ̆ ƀơl dà, nhơm mờ ngơr bam dà tàm tiah drà mờ tiah jat kềng gah tiah drà.

Củ tịc Quôk hội tơngkah ƀòn dờng Hà Nội bơyai lơh geh cồng nha rlau tai dơ̆ hòi jà “Jơh gùt làng bol bơt bơtàu ƀòn lơgar, tiah drà niam jak”, lơh jat niam gơnoar broă atbồ is bơh làng bol dê, bơt bơtàu ù tiah “àng, tơlir, sàng goh niam, lơngăp lơngai”, pơgồp bal niam mờ srơh “Jơh gùt làng bol sền gàr lơngăp lơngai Dà lơgar”... pơnđơl pràn lơh ngan sơnah ƀòn ờ geh rềs àr mpồl bơtiàn, ờ gŏ ngui, blơi, kă bro jràu điện tử, ma túy, cau lơh tìs adat boh lam.