Bal mờ broă jal  mhar bơsong bơta ƀơ̆ ƀơl tiah ơm kis, đơng lam càr Dăk Lăk sồr jun mhar phe dong kờl bơh Cíñ phủ dê tus mờ làng bol; ngui măi jồr dà, anih pờ dà sàng tus tơl ƀòn làng bol ơm kis, mhar pơs wàs kloh niam hìu bơsram, hìu sơnơm nàng ală anih lơh broă pal geh do mhar ngan rlau jơh lơh broă wơl, đơng lam pơgồp bal niam broă dong kờl bơh ală cau nă să is, mpồl cau lơh broă niam tus tiah dà tih, ờ lời gơlik geh bơta lơh is lơh gơ kòl gùng lòt, lơh gơ rềng tus ală broă lơh bơsong jơnau gơ lời wơl tơnơ̆ mìu dà tih.

Ồng Tạ Anh Tuấn, Củ tịc Anih duh broă Làng bol càr Dăk Lăk đơs sùm, càl rbut dờng sồ 15 neh mut tàm dà lềng đah mat tơngai lik, gơnoar atbồ jơh ală sàh, sơnah ƀòn tiah dà tih kờñ pal dong kờl làng bol jal mhar, ờ gŏ di lời làng bol ờ geh anih ơm, ờ gŏ di lời làng bol gơtìp jơgloh, noat mrềt. Mờ kung pal crăp rơcang ală broă rơndap lơh, jơnau rơcang lài drơng mờ càl rbut dờng tàm tơl broă gơlik geh.