Dơ̆ pơrlòng cau ùr ƀòn lơgar sơn đờm mut lơh broă tam gơl pa, bơceh lơh là broă lơh gơ wèt Ală jơnau lơh nền “Dong kờl cau ùr sơn đờm mut lơh broă” nam 2025 bơh Mpồl tam klac cau ùr càr Dăk Lăk lam lơh bơh bồ nhai 9 nam do, gơ hòi gơ jà git nđờ jơt rơndap broă lơh bơh ală kâp mpồl, mpồl lơh sa kă bro, mpồl lơh broă bal, mpồl lơh bal mờ să tờm cau ùr tàm gùt càr dê tus bal.

Jat jơnau đơs bơh Mpồl ai điểm dơ̆ pơrlòng dê, ală rơndap broă lơh neh lơh jat tơngume geh ai, ai tơnggŏ nùs nhơm bơceh lơh mờ bơta kơp kờñ sơn đờm mut lơh broă bơh cau ùr ƀòn lơgar dê. Bơh dar sơn rờp, Mpồl bơyai lơh neh rơ wah 18 rơndap broă lơh pơn rơ ngan mut tàm dar dut ndơl. Tàm do, cau pơrlòng mblàng tơn, lơh loh bơta tam gơl pa bơceh lơh, bơta pràn kă bro phan, khà gơguh, kung bè gơ rềng tus lơh sa mpồl bơtiàn bơh rơndap broă lơh dê.