Jơh gùt càr Dăk Lăk tŭ do geh 787 anih ai apah ơm bĭc lòt nhơl bal mờ mờr 14 rbô 400 cơldŭ; 51 mpồl lơh sa kă bro lơh broă lòt nhơl mờ pơgăp 28 rbô 100 nă cau lơh broă gam lơh broă tàm gah lòt nhơl. Tàm 6 nhai bồ nam, Dăk Lăk wă rlau 5 tơlak 300 rbô nă năc lòt nhơl, kờp jơh priă geh bơh kă bro lòt nhơl kờp dŭ geh 9 rbô 600 tơmàn đong, gơguh mờr 38% pơndrờm bal dùl tŭ mờ nam lài.

Tàm dơ̆ lơh broă, Mpồl jăt sền Mpồl duh broă Làng bol càr Dăk Lăk dê sồr Sờh Niam chài, Tàp pràn să jan mờ Lòt nhơl pơn jăt tai pơgồp bal mờ ală gah, ƀòn lơgar sơlơ lòt sền, jăt sền tai broă lơh kă bro lòt nhơl; lơh pràn tam gơl sồ; tơngguh uă bơta niam drơng broă sa priă mờ kờp sền nền wơl, dan lơh sir ală jơnau cih kơrnoăt boh lam dê geh gơrềng bal nàng kờñ ai tơl bơta niam ai lòt nhơl ƀòn lơgar in bơtàu tơngguh kơnhăp jŏ.