Tơngai lài, càr Dăk Lăk neh lam lơh rlau 45 kơnòl broă jak chài – măi mok ală kâp, mờ rlau 80% cồng nha kơlôi sơnơng geh ngui tàm ngan ngồn, ngan là tàm broă lơh sa suơn sre ngui măi mok pa, măi mok siñ họk, prap gàr – lơh gơlik phan bơh suơn sre mờ tam gơl sồ. 

Tàm dơ̆ lơh broă, ala mat ală anih kơlôi sơnơng, hìu bơsram, mpồl lơh sa kă bro neh ring bal đơs là kờñ pal geh mpồl lơh broă ngac ngar rlau tàm broă sac rơ wah ală cau kơlôi sơnơng jak chài, bơsong phan bơna kơlôi sơnơng mờ lơh gơs broă kă bro phan geh cồng nha, wèt tus lơh gơs ală mpồl tam gơl pa bơceh lơh gơ jat bal pơgồp bal nền nòn đah anih atbồ, cau kơlôi sơnơng jak chài mờ mpồl lơh sa kă bro.