Tơnơ̆ rlau 3 nhai tơmŭt bal, Dăk Lăk neh lơh geh 100% broă jàu tam gơl sồ tàm 102 sàh, sơnah ƀòn, mờ khà sră nggal lơh tàm internet jơh gùt càr geh 34,5%. Anih tờm Drơng broă sră pơ àr gơnoar ătbồ dà lơgar 2 kâp dờp rlau 350 rbô sră nggal, tàm hơ̆ 76% geh bơsong tơn tàm internet. Jơh gùt càr geh rlau 83% làng bol geh pà măt sơnđan măt điện tử khà 2, mờr 80% neh pờ ngui. Ală cồng nha do tơnggŏ bơta bơtàu tơngguh pràn kơldang bơh gơnoar ătbồ ƀòn lơgar dê tàm gùng lòt tam gơl sồ, wèt tus rài sră pơ àr gơnoar ătbồ rềp làng bol, song dơ pă loh làng, pa.

Củ tịc Anih duh broă Làng bol càr Dăk Lăk ồng Tạ Anh Tuấn pà gĭt, tơngai tus, bal mờ lơh pràn tam gơl sồ, càr rơ̆p tơrgùm priă jền lơh sir jơh ală gơl gùng kwơmàng, is ồn là gơl gùng rơndeh lòt mhar tàm tơrbŏ đah măt tơngai Lik – Mŭt, tàm tơrbŏ bal anih ơhò dà lềng ơm, ƀlàng rơndeh par mờ ală gơl gùng rơndeh lòt mhar dà lơgar bè đah Tô- đah Jum mờ Buôn Ma Thuột – Vân Phong.