Tàm nhai 8, gùt càr geh 85 hìu bơnhă ròng phan geh sur bơtờp kòp jê ndul gơ jroh sur câu Phi, pal tơp pơrguc rlau 1 rbô 100 nơm. Kờp bơh bồ nam tus tŭ do, kòp jê ndul gơ jroh sur câu Phi neh gơlik geh tàm 35 sàh, sơnah ƀòn, lơh glau 2 rbô 500 nơm sur gơtìp tơp pơrguc. 

Tŭ do kung gam 27 sàh, sơnah ƀòn geh sur gơbàn kòp ờ hềt rlau 21 ngai. Bal mờ kòp jê ndul gơ jroh sur câu Phi, ală kòp bơtờp ngòt rơngơt ndai bè kòp sồt mbùng gơ tă nđias, as sồt kơltau gơlik pơ nời bulah ờ hềt gơlik geh tàm nhai, mơya jơnau pơhìn gơbàn uă sùm digơlan gơlik geh. Jơnau tờm ngan là tài bơta is ồn virus ơm kis jŏ bơdìh tiah ơm kis, gùng bơtờp kòp kal ke, tàm tŭ ròng phan bơh hìu bơnhă lơh broă sa dê geh khà uă, bơta lơngăp lơngai siñ họk ờ hềt niam. Bơdìh hơ̆ tai, trồ tiah ờ niam mờ broă ờ tơl mpồl cau lơh sơnơm phan ròng tàm ƀòn lơgar lơh broă jat sền gam uă bơta ờ niam.