Dơ̆ pơrjum neh ring bal 18 jơnau lơh nền tàm pơrjum kwơmàng bè broă lơh kwang bàng, gùng dà broă lơh broă dong kờl bơtàu tơngguh, tam pà mờ ai priă bơcri dà lơgar, rơndăp ù tiah, pồ tơl mpồl kwang bàng gơnoar ătbồ bàr kâp tơnơ̆ rơndăp tăp sèng, gàr niam sền gàr dà lơgar – lơngăp lơngai. Do là cơng tàng tơngume adăt boh lam kwơmàng dong càr tă bơsong kal ke, ai tơl bơta ƀươn bơta pràn in, lơh gơlik bơta gơn kơnờm lơh sir ală jơnau kờñ nam 2025 mờ tơngai bơh nam 2021- 2025 in.

Mpồl duh broă Làng bol càr sồr Anih duh broă Làng bol càr tơrgùm lam lơh ndrờm bal, ngan là kơnòl broă tơnguh pràn ai priă bơcri dà lơgar, pơnđơl geh 100% broă rơndăp lơh nam; pal gờñ tă bơsong bơta gơ wă bơta gơkòl tàm lơh broă gơnoar ătbồ kâp sàh, ai tơl cau lơh broă, priă jền nàng lơh broă gơlòt sùm; rơcăng nền nòn ai pồ Quôk hội khoă XVI mờ Mpồl duh broă Làng bol ală kâp tơngai lơh broă bơh nam 2026- 2031 in.