Jăt jơnau lơh nền tàm pơrjum, khà priă bơcri dà lơgar bơh kes priă ƀòn lơgar dê gơmù bơh rlau 7 rbô 201 tơmàn đong gơmù gam rlau 6 rbô 686 tơmàn đong, hơ̆ là gơmù rlau 515 tơmàn đong. Bơnah gơmù mìng gơ wèt mờ ală rơndăp broă lơh ngui priă rề priă ngui ù, ơm ai priă ai Kes priă rề ơnàng bă ù in tàm nam 2025 mờ koh tơrmù ală rơndăp broă lơh ờ gam jơnau kờñ ai priă tai. Càr kung rơndăp wơl bơta pràn jăt gùng dà ai lài tam pà wơl rlau 167 tơmàn đong ai ală rơn dăp broă lơh neh sền swì ring bal tơn jơh tă ngui priă jền, mờr lơh sir mờ ală broă bơ̆t bơtàu lơh gơlik bơta gơn kơnờm bơtàu tơngguh in.

Mò Cao Thị Hoà An, Củ tịc Mpồl duh broă Làng bol càr Dăk Lăk sồr Anih duh broă Làng bol càr mờ ală anih lơh broă tơngguh mhar, jăt nền jơnau đơs “6 loh”, pal lơh glài kes priă, ai priă geh cồng nha, lơh gơlik bơta jơngkah jơngkañ dong kờl gơguh kờp jơh phan bơna lơh geh tàm ù tiah càr dê nam 2025 jăt broă jàu Dà lơgar dê jàu; mơkung sồr ală anih lơh broă lơh jăt kràñ lơh glài bơcri priă dà lơgar, ơn bal kơnòl cau lam bồ dê bal mờ cồng nha ai priă.