Sền jơnau tàm dơ̆ bơyai lơh tơngkah, Tổng Ƀí thư ồng Tô Lâm đơs loh, bơh 80 nam gơtìp uă bơta glar bòl kòl jan kal ke mơya jăk chài pràn kơl dang, he neh ai gŏ bơta niam: tềng đăp bồng bi pràn kơl dang bơh Đảng, mờ bơta àng bơh Hồ Chí Minh sòl gùng, ai bơh tàm bơta pràn làng bol mờ mpồl tam klăc bal gùt jơi bơtiàn, ờ geh kal ke, bơta lòng lơi mờ làng bol he ờ sơrlèt gan; ờ geh jơnau kờñ niam bơnĕ lơi mờ jơi bơtiàn he ờ lơh tus.

Tơnơ̆ mờ bơnah sền jơnau bơh Tổng Ƀí thư ồng Tô Lâm dê, dơ̆ pơrjum geh pơn jăt tai mờ Broă lơh ai ling lòt pơdar tơnkah 80 nam Kăc màng nhai Phàm lơh geh cồng nha (19/08) mờ Sơn tờm Dà lơgar Kộng hoà Sàh hội Củ nghĩa Việt Nam (02/09) mờ broă tus bal bơh di pơgăp 30 rơbô nă cau, tàm hơ̆ geh ală mpồl ling, làng bol bal mờ mpồl ling tus bơh ală lơgar năc jà tàm hơ̆ geh lơgar Lo, Nga, Lào mờ Campuchia. Dơ̆ tơnkah dùl dơ̆ tai ai tơngŏ nùs nhơm Kăc màng nhai Phàm mờ Sơn tờm Dà lơgar Kộng hoà Sàh hội Củ nghĩa Việt Nam pràn sùm; nàng nùs nhơm do sùm là nùs nhơm pơnyờ să, là bơta pràn hòi jà gùt jơi bơtiàn Việt Nam pơn jăt tai nùs nhơm jăk chài, kơ̆p kờñ krơi is-khăt gơboh-gơboh gơbài bơh ồng pàng dê, lơh geh bồ tơngoh kơ̆ dơn, ngăc ngar, tam gơl pa pràn kơl dang, bơceh lơh sùm, lơh ngan bơ̆t bơtàu dùl lơgar Việt Nam bơtàu tơnguh tơl ală bơta, kơl jăp tàm rài pa-rài brồ să jơi bơtiàn Việt Nam dê.