Tơngai pa do, broă lam lơh jat ală broă lơh jơnau kờñ Dà lơgar lơh geh uă cồng nha kwơ màng, jơh nùs pơgồp bơnah tàm bơta bơtàu tơnguh lơh sa- mpồl bơtiàn bơh Dà lơgar dê. Broă lơh jơnau kờñ Dà lơgar bơt bơtàu ƀòn lơgar pa, Broă lơh jơnau kờñ Dà lơgar tơrmù rƀah kơnhăp jŏ (tơngai bơh nam 2021 - 2025) sền bal neh lơh geh mờ sơrlèt ală jơnau kờñ, jơnau sồr: Broă lơh jơnau kờñ Dà lơgar bơtàu tơnguh lơh sa- mpồl bơtiàn tiah làng bol jơi bơtiàn dồ ết nă cau mờ tiah kơh bơnơm tơngai dơ̆ I bơh nam (2021 – 2025) neh lơh sir 6 tàm 9 mpồl jơnau kờñ.

Đơs sùm ală tơngume bơh 3 broă lơh dê ndrờm pơgồp bal tơn mờ bơtàu tơnguh ƀòn lơgar, lơh broă sa, bơt bơtàu phan bơna, cau rƀah mờ bơtàu tơnguh rài kis tàm tiah ƀòn lơgar mờ tiah kơh bơnơm, ală jơnau đơs đơs là broă tơmŭt bal 3 broă lơh là di pal, gàr niam bơta ring bal tàm atbồ, tàm bơrlŭ bal geh priă jền, tơnguh uă cồng nha bơcri priă, ring bal bè broă jàu, broă lơh bơcri priă, broă lơh bơto pơlam jat sền, mơkung tơrmù ƀà tàm rơndăp rơndồl, tơnguh uă cồng nha ngui priă jền bơcri priă Dà lơgar dê. Bè kơrnoat pal jat broă tơmŭt bal, Phó Thủ tướng Duh broă sùm Cíñ phủ ồng Nguyễn Hòa Bình sồr gàr niam bè ờs jơh ală jơnau kờñ, cau, broă lơh dong kờl neh geh Quôk hội ring bal gơwèt mờ 3 broă lơh dê, tơngai jŏ jòng tus nam 2035; mìng bơsong ală broă tàm rơndăp rơndồl, mờ broă lơh pa ờ di pal broă bơt bơtàu wơl tai, ờ gŏ di pal kĭ wơl tai. Anih lơh broă đơng lam bơh 3 broă lơh dê là Cíñ phủ; Ƀộ priă jền lơh cau sơnrờp bal dê.