Tàm dơ̆ tơnkah, Củ tịc Quôk hội ồng Trần Thanh Mẫn, đơs sùm, 80 nam - dùl gùng lòt dờng màng, mơya kung là tiah sơnđờm ai gùng lòt pa in. Dà lơgar he cơnđoà mut tàm rài bơtàu tơnguh pa mờ nùs nhơm lơh ngan, bơta kơ̆p kờñ bơt bơtàu Dà lơgar pas gơs, niam jak, gơboh gơbài; bơt bơtàu Đảng ngan ngồn sàng goh, kơnhăp pràn; geh ală bồ tơngoh kơ̆, niam chài kơnhăp kơ̆.

Củ tịc Quôk hội pin dờn uă ngan là: mpồl đơng lam bồ, kwang bàng, đảng viên, cau lơh broă bơh Anih lĭp sră Cíñ trị Dà lơgar Sự thật dê pơn jat tai đòm jat niam bơhiàn tam klăc bal, tam gơl pa, bơceh lơh, lơh sir jak ngan tơl kơnòl broă geh jàu, tă pơgồp jơh nùs tàm broă lơh bơt bơtàu Đảng mờ broă lơh bơt bơtàu mờ sền gàr kơnhăp kơ̆ Dà lơgar Việt Nam sàh hội củ nghĩa.