Thủ tướng ồng Phạm Minh Chính pa geh jơnau lơh nền bè broă dong kờl jal mhar priă ai ală càr Thái Nguyên, Cao Bằng, Lạng Sơn mờ Bắc Ninh in bơsong jơnau gơ lời wơl bơh mìu dà kŏ dà cò lơh gơbàn. 

Jơnau lơh nền dong kờl 140 tơmàn đong bơh bơnah priă rơcang gàr lài kes priă dà lơgar nam 2025 ai 4 càr in nàng di tŭ dong kờl làng bol mờ bơh sơn rờp bơsong jơnau gơ lời wơl bơh mìu dà kŏ dà cò lơh gơbàn (tàm hơ̆ Thái Nguyên 50 tơmàn đong, Cao Bằng 30 tơmàn đong, Lạng Sơn 30 tơmàn đong mờ Bắc Ninh 30 tơmàn đong) bè jơnau sồr bơh Ƀộ Priă jền dê. Thủ tướng jàu Anih duh broă Làng bol ală càr: Thái Nguyên, Cao Bằng, Lạng Sơn mờ Bắc Ninh kong kơnòl atbồ, ngui khà priă bơtơl pa yal, gàr di jơnau cih bơh adat boh lam bè kes priă dà lơgar mờ ală sră nggal adat boh lam ndai geh gơ rềng, gàr di jơnau kờñ ngui, di cau, loh làng, song dơpă, ờ lời hoàc huơr, broă ờ niam gơlik geh.