Tàm ală jơnau pơyua nting bơr gờm chờ, ală kwang đơng lam bồ tờm ngan lơgar Lo neh nting bơr gờm chờ ală cồng nha mờ lơgar Việt Nam neh lơh geh, cíñ trị mpồl bơtiàn geh gàr kơ̆, broă lơh sa bơtàu tơnguh mhar, rài kis làng bol dê ngai sơlơ geh tơnguh niam, bơta gơrềng tàm ală lơgar mờ tiah do ngai sơlơ geh tơnguh; pin dờn tàm bơta đơng lam kơ̆ dơn bơh Đảng Kộng sản Dà lơgar Việt Nam dê, Việt Nam ngan rơp kơ̆ dơn cơnđuà lòt tàm gơl gùng củ nghĩa sàh hội di mờ bơta geh ngan dà lơgar, lam lơh geh cồng nha Pơrjum dờng Đảng dơ̆ 14, pràn kơldang cơnđuà lòt wèt tus 2 jơnau kờñ 100 nam di dơ̆ crơng gơs Đảng, crơng gơs dà lơgar. 

Ală đơng lam bồ kâp dờng lơgar Nga đơs nền, bơta git gơp lơgar lơh broă bal jŏ jòng tơl làm gam bơtàu tơnguh niam ngan, bơta pơgồp bal, ală broă lơh ngan bal tàm ală broă tàm tiah do mờ ală lơgar gam cèng wơl ală cồng nha niam bơnĕ jat nùs nhơm ki ngàm bal mờ gơp mờ kờp tus ală bơta kuơ bơh gơp dê.