Tŭ do jơh gùt lơgar geh 733 anih lơh ƀăo, gơmù 189 anih lơh broă pơn drờm mờ lài do, pơgồp bơnah lơh jat gùng dà broă lơh tơrmù niam mpồl lơh broă, tơnguh cồng nha gơtùi lơh broă, geh cồng nha lơh broă. Tàm dơ̆ tìp mat, ală anih lơh broă sră ƀăo dan mờ Chính phủ sền gròi broă lơh, gùng dà broă lơh krơi is, lơh geh ală bơta tơnguh bơta pràn jak lơh tờm is mờ cồng nha tơngume dê.

Gờm chờ mpồl cau lơh ƀăo, ồng Trần Thanh Mẫn, Chủ tịch Quốc hội cih dờp ală tă pơgồp kwơ màng bơh sră ƀăo dê tàm mblàng yal gùng dà broă lơh bơh Đảng, Dà lơgar; cih yal di tŭ broă lơh rơndăp tăp sèng wơl mpồl lơh broă, sơlơ tơnguh tai jơnau kờñ gơguh tai. Sră ƀăo kung pơn jat tai geh gơnoar broă tờm tàm sền gàr bơnàng jă bồ tơngoh bơh Đảng dê, lơh ngan tam dră wơl mờ ală nùs nhơm tìs, bơt bơtàu tiah mblàng yal jơnau niam, niam jak kòn bơnus dê mờ geh kơnòl.