Jat jơnau lơh nền bơh Củ tịc lơgar dê, ồng Lương Đình Chung, Ƀí thư Anih duh broă Đảng, Đơng lam cíñ trị Ling tiah 5 geh tơnguh groăt bơh Đại tă tơngguh tus Thiếu tướng. Ala mat anih duh broă đơng lam Đảng ling klàng dà lơgar, Ƀộ Ling klàng, Đại tướng ồng Phan Văn Giang jàu jơnau lơh nền, pà bơkàu nting bơr gờm chờ Thiếu tướng ồng Lương Đình Chung.

Broă ồng Lương Đình Chung geh tơnguh groăt Thiếu tướng ai tơnggŏ bơta cih dờp, đơs niam bơh Đảng, Dà lơgar mờ ling klàng dê gơ wèt mờ ală tă pơgồp dờng ngan bơh să tờm ồng dê tàm tơngai lơh broă, ngan là tàm đơng lam, sồr lơh bơt bơtàu mpồl phàu crong ling tiah 5 kơ̆ kơnhăp, pràn kơldang tơl làm “krơh niam, pơn rơ ngan”, pơgồp bơnah tàm broă lơh bơt bơtàu Ling klàng làng bol Việt Nam kac màng, dipal, ngac ngar, pa ngan, sền gàr kơ̆ dà lơgar Việt Nam sàh hội củ nghiã.