Đơng lam Đảng, Dà lơgar neh lơh ală broă lơh pơrjum yŭ rơyùm ngan, kah wơl tơngai kah yau dà lơgar dê: Bơh dùl lơgar gơtìp lơgar bơdìh sơgràm phà, tềng đăp mờ bồng bi Đảng kộng sản Việt Nam, gùt jơi bơtiàn neh ntào tam dră, lơh gơlừ bơta iơh bơsăk sơgràm phà bơh lơgar bơdìh dê, bơ̆t bơtàu dà lơgar Việt Nam krơi is, khăt gơboh, dà lơgar làng bol dê, geh làng bol mờ tài làng bol. Bal mờ broă bơyai lơh tơnkah là broă ai ling lòt pơdar mờ broă tus bal bơh mờr 16 rơbô nă kwang bàng, cau ling, kwang àng bal mờ ala măt ală làng bol, ală jơi bơtiàn… Tàm mpồl rơndeh phào dờng lòt pơdar geh tơl ală mpồl ling dà lềng, ling rơndeh par, ling phào dờng, ling rơndeh sơtăng, rơndeh sơjăp…. mờ uă phan krơi is đah ling klàng. Ling mpồl 4 lơgar Nga, Lo, Lào, Campuchia kung ai geh mpồl ling tus bal òt pơdar sơl.

Dơ̆ tơnkah, lòt pơdar nàng ai tơngŏ bơngă, bơta pràn, bơta kwơ rài lài do dờng màng bơh Kăc màng Nhai Phàm mờ broă crơng gơs dà lơgar Việt Nam Zân củ kộng hoà, tŭ do là lơgar Kộng hoà Sàh hội Củ nghĩa Việt Nam tàm rài kah yau tam lơh bơ̆t bơtàu dà lơgar, sền gàr dà lơgar bơh jơi bơtiàn dê tềng đăp mờ broă đơng lam jăk chài bơh Đảng Kộng sản Việt Nam.

Bơh tŭ hơ̆, tơnguh bơ̆t bơtàu nùs nhơm pin dờn gùt Đảng, gùt làng bol tàm gơnoar broă đơng lam bơh Đảng Kộng sản Việt Nam dê; pin dờn tàm bồ tơngoh kơlôi sơnơng bơh Đảng dê tŭ ai geh ală gùng dà broă lơh geh nùs nhơm kơ̆ kơl jăp nàng ai dà lơgar mŭt tàm rài pa.