Càr sồr ală tiah tơn lơyah broă lơh, ai lơh lài ntrờn ală hìu bơnhă geh hìu tơrlah mờ gờñ lơh sir phan bơna bơt bơtàu nàng làng bol in bè ờs wơl rài kis jŏ jòng. Jat sră yal bơh Sờh Lơh broă sa suơn sre mờ Tiah ơm kis càr dê pa yal mờ Anih duh broă Làng bol càr, Gia Lai rơ̆p ntrờn mhar ngan 1 rơbô 861 hìu bơnhă tàm 16 tiah: tàm hơ̆ geh 9 tiah đah mat tơngai Lik (càr Bình Định lài do) mờ 907 hìu bơnhă, mờ 7 hìu bơnhă tàm tiah đah mat tơngai Mut, 954 hìu bơnhă làng bol. Kờp jơh priă tă lơh tiah ơm kis pa kờp dŭ rlau 1 rơbô 840 tơmàn đong, nàng bơt bơtàu phan bơna, dong kờl tơn ai làng bol in mờ lơh broă lơh ai ù.

Ồng Phạm Anh Tuấn, Củ tịc Anih duh broă Làng bol càr Gia Lai pà gĭt, nàng broă ai tiah ơm kis pa mhar mờ geh cồng nha, ală tiah tơn lơyah broă lơh, kờp sền, geh broă rơndăp lơh bè jơnau kờñ ai tiah ơm kis tàm bơrlŭ bal. Tàm hơ̆, ai lơh lài ntrờn làng bol ơm kis jat kềng gah dà lềng geh hìu tơrlah.